میرپور(حیات نیوز) آزادکشمیر کے دیگر اضلاع کی طرح ضلع میرپور میں بھی پولیو کے خاتمے کے لئے 28 اکتوبر تا 01نومبر 2024 پانچ روزہ قومی انسداد پولیو مہم کا افتتاح ڈپٹی کمشنر میرپور یاسر ریاض ،ایس ایس پی خاور علی شوکت ،ڈسٹرکٹ ہیلتھ آفیسر ڈاکٹر فدا حسین راجہ نے پانچ سال تک کی عمر کے بچوں کو پولیو ویکسین کے قطرے پلا کر کیا۔اس موقع پر ADHO سی ڈی سی ڈاکٹر مائدہ کوثر، ADHO ڈاکٹر شمائلہ کرن ، ڈذیز سرویلینس آفیسر WHO ڈاکٹر ارم، ایڈیشنل پرنسپل میڈیکل آفیسرڈاکٹر فاطمہ یعقوب، اسسٹنٹ کواڈینیٹر نیشنل پروگرام ڈاکٹر فاریہ جاوید ، اسسٹنٹ ڈائریکٹر سرویلینس محمد ریاض ، اسسٹنٹ ڈائریکٹر ٹرینگ وقاص احمد خان ، عبدالوحید ڈی ایس وی، NIDs فوکل پرسن ضلع میرپور ، معززین شہر و عوامی نمائندگان، الیکڑانک و پرنٹ میڈیا کے نمائندگان علاوہ محکمہ صحت عامہ کے ملازمین بھی موجود تھے۔ اس موقع پر ڈسٹرکٹ ہیلتھ آفیسر میرپور ڈاکٹر فد ا حسین نے ضلع میرپور میں پانچ روزہ قومی پولیو مہم کے حوالے سے بریفنگ دیتے ہوئے کہا کہ محکمہ صحت عامہ ضلع میرپور کی ٹیمیں پورے ضلع میں گھر گھر جا کر پانچ سال تک کی عمر کے تمام بچوں کو پولیو سے بچاو¾ کے قطرے پلائیں گی انہوں نے کہا کہ پاکستان سمیت آزادکشمیر بھر میں پولیو سے بچاو¾ کی مہم کو ایک قومی ومذہبی اور دینی فریضہ کی طرح ادا کرنا نہ صرف حکومت یا محکمہ صحت عامہ کی ذمہ داری ہے بلکہ ہر شہر ی اور تمام مکاتب فکر سے تعلق رکھنے والے افراد کا اس میں اپنا کردار ادا کرنا ضروری ہے تاکہ پانچ سال سے کم عمر کا کوئی بھی بچہ پولیو سے بچاﺅ کے قطرے پینے سے محروم نہ رہے۔
انہوں نے کہا کہ پانچ روزہ مہم کے دوران ضلع میرپور میں پانچ سال تک کی عمر کے بچوں کو پولیو کے قطرے پلانے کے لئے ضلع میرپور کو انتالیس یونین کونسلز/وارڈزمیں تقسیم کر کے تربیت یافتہ سپروائزر مقرر کئے گئے ہیں۔ WHO کی ہدایت کے مطابق پولیو مہم کو کامیاب بنانے کے لئے میونسپل کارپوریشن میرپور مونسپل کمیٹی اسلام گڑھ ،چکسواری اور میونسپل کمیٹی ڈڈیال کے ساتھ ساتھ ستائیس یونین
کونسلز کی سطح پر ٹیموں کے نگرانی کے لئے 02 تحصیل سپروائزر 35یونین کونسل مانیٹرنگ آفیسر اور 103 یونین کونسلزوارڈزانچارج مقرر کئے گئے ہیں۔ ان انچارج ہاکی نگرانی میں پانچ سال تک کی عمر کے 76656 بچو کو پولیو کے قطرے پلانے کے لئے 439 موبائل ٹیمیں اور مراکزصحت پر 41 فکسڈ سنٹرز مقرر کیے گئے ہیں نیز والدین کے ہمراہ سفر کرنے والے بچوں کے لئے 14 مختلف ضروری مقامات پر ٹرانزٹ پوائنٹس بھی بنائے گئے ہیں۔
انہوں نے عوام الناس سرکاری و نجی سکولز کی انتظامیہ سے اپیل کی ہے کہ گھروں اور سکولز میں آنے والی محکمہ صحت عامہ کی ٹیموں سے تعاون کرتے ہوئے پانچ سال تک کی عمر کے بچوں کو پولیو ویکسین کے قطرے ضرور پلوائیں۔ ڈسٹرکٹ ہیلتھ آفیسر میرپور نے کہا کہ قبل ازیں ماضی میں میر پور کے داخلی و خارجی راستوں اور شہری و دیہی علاقوں میںپولیو ٹیمز فرض شناسی، محنت اور محکمہ صحت عامہ کی بہتر حکمت عملی کے ساتھ ساتھ عوامی تعاون سے پولیو مہم انتہائی کامیاب رہی۔
انہوں نے کہا کہ حکومت محکمہ صحت عامہ کی کامیاب حکمت عملی اور پولیو ٹیموں کی انتھک محنت کی وجہ سے ابھی تک آزادکشمیر میں کوئی پولیو کیس رپورٹ نہیں ہوا عوام الناس کے تعاون کے بغیر پولیو کا مکمل خاتمہ نہیں کیا جا سکتا اس مقصد کو حاصل کرنے کے لئے ہمیں محکمہ صحت عامہ کی پولیو ٹیموں سے بھر پور اور مکمل تعاون کرنا ہو گا ۔
